Vakatura pa enkuestadó Freelance pa “Enkuesta Sosial 2025”
Traha huntu pa produsí data konfiabel pa Kòrsou!
Ofisina Sentral di Statistik (CBS) ta buskando 50 enkuestadó freelance motivá, ku tin e deseo di kontribuí na un estudio nobo: Enkuesta Sosial. Esaki ta un enkuesta manera “omnibus” ku ta fundamental pa haña un bista kla di e opinionnan, eksperensianan i e kondishonnan di bida di e habitantenan di Kòrsou.
Enkuesta Sosial ta un estudio representativo, den kua ta hasi preguntanan riba un variedat di temanan sosial. E informashon ku ta wòrdu kompilá ta esensial pa desaroyo di maneho públiko i pa stimulá diálogo sosial den komunidat.
Periodo di e enkuesta:
Sèptèmber te ku mitar di Novèmber 2025
Ki tipo di kandidatonan nos ta buska:
- Mínimo MBO-4 (di nivel di pensamentu/òf trabou komparabel)
- Tin bon dominio di Papiamentu, Hulandes, Ingles i Spañó
- Tin un bon kapasidat komunikativo i habilidatnan sosial
- Tin pasenshi, takto, inisiativa i persistensia
- Transporte propio
- Kapasitá pa traha independiente ku aktitut positivo
- Representativo
- Tin eksperensia ku hasi enkuesta ta un bentaha (no obligatorio)
- Disponibel pa traha fleksibel durante tur periodo di enkuesta, entre 09:00 i 21:00
- Dispuesto pa partisipá na 5 seshon di training na final di ougùstùs (15:00–19:00 Training:
Promé ku e periodo di enkuesta ta kuminsá, lo bo sigui un training intensivo di sinku seshon. E training aki ta obligatorio i ta prepará bo kompletamente pa bo ròl komo enkuestadó.
Apliká awor akí mes!
Bo tin interes den e funshon aki i bo ta kumpli ku tur e rekisitonan? Skèn e kódigo QR akibou òf klek aki pa manda bo solisitut promé ku djabièrnè 11 di yüli 2025.
Importante: Tin lugá pa solamente 50 enkuestadó. Reakshoná mesora!
