Vakatura enkuestadó pa CBS
CBS ta buska enkuestado pa un proyekto nobo!!
Durante di tur enkuesta di Ofisina Sentral di Statistik (CBS) Kòrsou, nos enkuestadónan tin un ròl hopi importante. Nan ta kolektá data na kasnan di famia i kompanianan pa nos por produsí i publiká statistik konfiabel i aktual.
Mayoria biaha informashon ta wòrdu kolektá personalmente esaki ta enserá ku un enkuestadó di CBS ta bishitá e kas di famia òf empresa.
Kiko ta e tarea di nos enkuestadónan ?
Ora nos enkuestadónan yega na un kas di famia e ta spliká e propósito di e enkuesta, e ta pasa dor di e lista di pregunta di e enkuesta i ta kontestá tur pregunta ku e habitantenan di e kas di famia lo por tin tokante di e enkuesta.
E trabou ku e enkuestadónan ta hasi ta esensial pa nos por forma un bista kompleto i konfiabel di e situashon sosial i ekonómiko di Kòrsou. Nos enkuestadónan ta risibí un entrenamentu adekuá i ta sigui estriktamente prosedimentunan i reglanan di CBS i di Gobiernu di Kòrsou.
Kualifikashonnan
- tin bon abilidat di komunikashon i relashon sosial den papiamentu, hulandes, ingles i spañó
- tin afinidat ku teknologia i sistema digital
- mustra inisiativa i perseveransia, i tambe tin pasenshi i takto den trato ku hende
- ta honesto, konfiabel i ta aktua ku integridat
- kapas di traha independiente pero tambe den grupo
- tin un presentashon profeshonal
- tin propio medio di transporte
Kon pa solisitá
- Pa solisitá, por yena e formulario usando e link aki bou. Por hasi esaki te ku 31 di yüli próksimo.
- CBS lo tuma kontakto ku bo pa informá bo si bo a wòrdu selektá pa un entrevista
- E proyekto lo kuminsá dia 5 di sèptèmber i segun e planifikashon, lo dura te ku fin di òktober.
- Pago lo ta pa kada entrevista ku a wòrdu kompletá eksitosamente