CBS ta publikáWoningtekort op Curaçao

Willemstad, Awe 9 di yüni Ofisina Sentral di Statistik (CBS) ta presentá e resultadonan di análisis di e konfrontashon entre demanda i oferta riba merkado di bibienda. E resultadonan di e análisis aki ta ser presentá den e publikashonWoningtekort op Curaçao”.

Den 2016 i 2017 CBS a ehekutá investigashonnan den tereno riba e tòpiko di bibienda. Konkretamente a hasi un enkuesta di nesesidat di bibienda na Kòrsou i alabes un konteo di bibienda na Kòrsou. E resultadonan di e dos investigashonan a keda analisa i anota den publikashonnan ku a sali na 2017 i 2019.  Den e publikashon aktual a konfronta demanda i oferta pa sa situashon di merkado di bibienda, konkretamente si tin un skarsedat di kas òf un ekseso di kas na Kòrsou.

Algun resultado importante for di e análisis aki ta:

  • E demanda total riba nos merkado di bibienda ta di 78.728 kas;
  • Tin 72.037 kas riba nos merkado di bibienda;
  • E diferensia (neto) entre e demanda i oferta, ta indika un falta di 6691 kas riba nos merkado di bibienda.
  • Ligá na kantidat di unidátnan den nos komunidat ku a indiká di tin nesesidat na kas, a nota un deficit di 7125 kas den e kategoria di kasnan di balor te ku Naf. 250.000 of menos, i un ekseso di 434 kas den e kategoria kasnan di balor di mas ku Naf. 250.000;

Por download e publikashon ku e resultadonan kompleto usando e link aki https://www.cbs.cw/website/housing_3235/item/woningtekort-op-curacao_2888.html