FAQ Enkuesta Sosial 2026
1. Kiko ta Enkuesta Sosial 2026?
Enkuesta Sosial 2026 ta un investigashon di CBS Kòrsou pa kolektá informashon tokante situashon sosial i kondishonnan di bida di poblashon di Kòrsou.
2. Kua ta meta di Enkuesta Sosial?
E investigashon ta yuda CBS haña un mihó bista di situashon di poblashon. E resultadonan ta brinda informashon estadístiko ku por ser usá, entre otro, pa investigashon, desaroyo di maneho i toma di desishon.
3. Riba kua tópikonan nos ta hasi pregunta?
Enkuesta Sosial 2026 ta kontené pregunta riba kuater tema prinsipal: labor, salubridat, bibienda i kalamidat.
4. Ki ora e investigashon ta tuma lugá?
Trabou di tereno ta kuminsá dia 19 di sèptèmber 2026. For di e fecha ei, enkuestadónan di CBS lo bishitá e kasnan di famia selekshoná.
5. Ken por partisipá den Enkuesta Sosial?
Solamente e kasnan di famia/adrèsnan ku a ser selekshoná den e steekproef por partisipá den e investigashon.
6. Kiko ta un steekproef?
Un steekproef ta un selekshon di adrès for di tur adrès na Kòrsou. E informashon ku CBS ta kolektá serka e kasnan di famia selekshoná ta yuda forma un bista di poblashon di Kòrsou.
7. Dikon presis mi adrès a ser selektá?
E adrèsnan ta ser selekshoná segun un método estadístiko. Esaki ta nifiká ku CBS no a selektá bo adrès a base di informashon personal ku CBS tin tokante abo.
8. Kon mi sa ku mi kas di famia a ser selekshoná?
E kasnan di famia selekshoná lo risibí un karta di CBS adelantá, ku ta splika ku nan adrès a ser selekshoná pa partisipá den Enkuesta Sosial 2026.
9. Kon e enkuesta ta ser hasi?
Un enkuestadó di CBS ta bishitá e adrès selekshoná i ta hasi e entrevista personalmente.
10. Kon mi por rekonosé un enkuestadó di CBS?
E enkuestadó por identifiká su mes ku un identifikashon ofisial di CBS. Riba wèpsait di CBS bo por wak tambe kon pa rekonosé un enkuestadó i su identifikashon.
11. Mi por verifiká si un persona realmente ta traha pa CBS?
Sí. Si bo tin duda, promé ku bo partisipá bo por tuma kontakto ku CBS via telefòn òf WhatsApp pa verifiká si e persona ta un enkuestadó ofisial di CBS.
12. Dikon mi partisipashon ta importante?
Mas kasnan di famia selekshoná partisipá, mihó CBS por forma un bista konfiabel di situashon di poblashon. Kada partisipante selekshoná ta representá un parti di poblashon den e investigashon.
13. Mi kontestanan ta konfidensial?
Sí. Tur informashon ku bo duna ta ser tratá konfidensialmente i ta ser usá pa fin estadístiko. E resultadonan ta ser publiká di tal manera ku no por rekonosé persona òf kas di famia individual.
14. CBS ta pasa mi kontestanan personal pa otro instansia?
Nò. CBS no ta publiká kontestanan individual komo informashon tokante un persona òf un kas di famia spesífiko.
15. Kiko ta pasa ku mi kontestanan?
CBS ta prosesá bo kontestanan huntu ku esnan di otro partisipantenan pa produsí resultadonan estadístiko, manera total, porsentahe i otro indikadónan.
16. Kuantu tempu e entrevista ta dura?
E entrevista ta dura averahe mas o ménos [XX minüt].
17. Mi mester paga pa partisipá?
Nò. Partisipashon den un enkuesta di CBS ta kompletamente grátis.
18. E enkuestadó mester drenta mi kas?
[Aki CBS por pone e prosedura ofisial. Por ehèmpel: No ta obligatorio pa e enkuestadó drenta bo kas. E entrevista por tuma lugá na un manera ku ta konfortabel i sigur pa bo.]
19. Kiko ta pasa si mi no ta kas ora e enkuestadó yega?
[Aki por pone e prosedura di trabou di tereno, por ehèmpel si e enkuestadó lo bolbe, laga un karta òf si por hasi un sita.]
20. Mi por hasi un sita ku e enkuestadó pa otro momento?
[Si esaki ta posibel den e prosedura di CBS, indik'é aki, inkluyendo kon e persona por hasi e sita.]
21. Mi por kontestá e enkuesta pa telefòn òf online?
[Si e enkuesta ta solamente face-to-face: Nò. Un enkuestadó di CBS ta hasi Enkuesta Sosial 2026 personalmente na e adrès selekshoná.]
22. Unda mi por haña mas informashon?
Pa mas informashon òf pa verifiká un enkuestadó, bo por tuma kontakto ku CBS:
📍 Adrès: [adrès CBS]
📞 Telefòn: [number]
💬 WhatsApp: [number]
📧 E-mail: [e-mail adrès]
🕒 Orario: [orario]