CBS ta lansa 'Neighbourhood Viewer' ku informashon mas resién tokante barionan di Kòrsou

Willemstad, - Ofisina Sentral di Statistik (CBS) ta presentá awe  NeighbourhoodViewer, un plataforma online interaktivo ku ta pone data di Senso 2023, pa tur bario na Kòrsou disponibel. E lansamentu di e plataforma ta representá un kontinuashon di e  maneho di CBS pa sigui modernisá presentashon di data i hasi data mas aksesibel  pa públiko.

E Neighboorhood viewer ta un mapa interaktivo ku resultadonan kompleto di tur informashon di Senso 2023 a kolektá pero riba nivel di bario.

E dashboard ta prensenta e siguiente indikadornan prinsipal:

• Estadístika di Poblashon: total di poblashon, distribushon segun edat i relashon hende hòmber‐hende muhé.
• 
  Informashon di Kas di famia: kantidat di kas di famia i tamaño promédio
• 
  Data di Migrashon: poblashon nasé den eksterior i intenshon di migrashon
• 
  Indikadόnan Ekónomiko: grado di empleo, desempleo i entrada di kas di famia

Ku e Neighbourhood Viewer, CBS ta hasi data konfiabel i aktual, aksesibel pa henter Kὸrsou. Esaki ta pèrmití gobièrnu i organisashonnan pa traha maneho basá riba echo, i tambe ta duna nos komunidat mas konosemento di nan propio bario i su desaroyo.

E Neighbourhood Viewer lo ta aksesibel via website di CBS Korsou: Curaçao Census 2023 Neighborhood Viewer | Senso Kòrsou