CBS ta alertá riba mensahe tokante enkuestadó falsu

Willemstad – Ofisina Sentral di Statistík (CBS) ta alertá públiko di mensahenan ku ta wὸrdu mandá via di Whatsapp kaminda habitantenan ta atvertí otro di algun persona ku ta presentá nan mes komo empleado di CBS (enkuestadό). Segun e informashon ku ta bai rὸnt, e personanan aki ta bai di kas pa kas i ta bisa ku nan ta partisipá na un senso òf otro tipo di enkuesta.

CBS ke enfatisá ku CBS NO tin ningun enkuesta andando na kas di famia aktualmente. Pues NO tin niun enkuestadó di CBS ta kanando kas pa kas awor aki.

Ta importante pa tuma nota di lo siguiente:

• CBS semper ta manda karta di introdukshon di e enkuesta i e periodo ku enkuestadó lo bishitá e kas di famia
• CBS ta anunsiá esaki tambe de medionan lokal i riba retnan sosial.
• Enkuestadónan di CBS semper tin un badge pa identifiká nan mes. E badge ta konsistí di nan nòmber, logo di CBS, portrèt i firma di direktor di CBS.
  Tin un QR-code tambe ku por scan pa wak si nan ta un enkuestadó ofisial di CBS.
• No duna ningun informashon personal na hende ku ta bisa ku nan ta di CBS sin por mustra legitimashon.
• Den kaso ku bo tin duda, tuma kontakto ku CBS. Por yamá 724-1802 ὸf whatsapp na e number di CBS 520-2227 pa verifiká identidat di e empleado.

CBS ta rekordá komunidat di Kòrsou ku partisipashon na enkuestanan ofisial di CBS ta obligatorio segun lei. Pa e motibu aki, ta importante pa rekonosé kua enkuesta ta berdaderamente di CBS pa evitá abuzu òf konfushon.