Inflashon na Kòrsou a subi na aña 2023 ku 3.5 porshento kompará ku 7.4 porshento na 2022.

E siguiente 9 kategoria di konsumo ta forma parti di preis pa konsumidó (CPI) pa Kòrsou:

  1. Kuminda
  2. Bibienda
  3. Transporte I komunikashon
  4. Bebida i sigaria
  5. Muebel, aparato- i artikulonan doméstiko
  6. Rekreashon, edukashon I desaroyo
  7. Paña i sapatu 
  8. Salubridat
  9. Sobrá

Desaroyo di preis pa e kategoria di konsumo “Kuminda”.

Pa aña 2023 e kategoria di konsumo ku mas a subi ta e kategoria di "Kuminda”. E kategoria den su totalidat a subi ku 13.9% kompará ku aña 2022 (11.4%).

For di 2019 te ku 2023 e preisnan di e kategoria di konsumo "Kuminda” a subi ku 44.8%. 
E kategoria aki a subi di 100 na 2019 te ku 144.8 na 2023. 

Desaroyo di preis di produktonan bou di kategoria di konsumo “Kuminda"

Kategoria di konsumo “Kuminda” ta konsisti di e siguiente grupo di produktonan:  
produkto di grano (sereal), 
karni i piska, 
vèt i zeta pa kushiná, 
produktonan di lechi, 
‘batata, berdura i fruta’, 
suku i chukulati, 
kuminda prepará, 
konsumo for di kas, 
sobrá.

Preis di e tres produktonan ku mas a subi den e kategoria di "Kuminda" na 2023 ta: 
“batata, berdura i fruta” ku a subi na 2023  ku 22.1% kompará ku 11.4% na 2022, 
”produktonan di lechi” ku a subi na 2023 ku 16.5% kompará ku 9.7% na 2022
“produktonan sereal”, ku a subi ku 15.0% na 2023  kompará ku 2022.

Desaroyo di tur e sobrá produktonan por mira den e siguiente grafíko:

Desaroyo di preis di “batata, berdura i fruta” entre 2019 ku 2023

E grupo di produkto “batata, berdura i fruta” aki a subi di 100 den 2019 te ku 174.6 den 2023, esaki ta un subida di 74.6%.

Por mira e desaroyo aki den porsentahe den e siguiente gráfiko.